網誌
2004年6月8日 上午6點28分49秒8-6-2004 Tuesday
＜好好訓！＞
琴晚～晨咁早十二點就訓左喇！訓到今日十二點！
嘩！訓足十二個鐘！爽呀…… ^______________^ 好耐冇試過咁好訓喇！
可能係琴日已經解決晒～諗通晒所有野0既關係啦！
HeHe…… ^___________^ 真係好好訓！YEAH！
＜失憶！＞
琴晚集《百分百感覺》～講芳芳撞車～失憶呀！
唉！我都好想好似佢咁呀！撞車～然後失憶！醒番之後～淨係記得最愛我～同對我最好0既人！0個0的衰人～即係姓張0個條仆街呢～就唔記得喇喎！
嘩！你話係咪幾咁好呢？！
不過～其實依家都差唔多架喇！我同失左憶～都冇咩分別！
講真～我同佢0既深刻回憶！冇！佢令我感動0既回憶！冇！佢令我開心0既回憶！都冇！佢對我好0既回憶！更加冇！
所以O～我同佢0既所有回憶～都開始慢慢～慢慢咁消失緊！
橫掂呀～呢條友成日都話我任性～又話我成日走堂～仲話我對佢唔好架啦！我都唔明～我成日走堂～為邊個0者？！咪又係你！咁樣都叫對你唔好！咁真係好抱歉！我唔識點樣對你好！
最重要0既係～佢話我唔係佢0既結婚對象！哼！我聽到呢句之後～我真係把幾火…… -___________-" 既然佢一路都冇視我為結婚對象！做咩仲要不斷拖住我？！"side"我時間0者？！乜佢真係以為我實嫁佢架？！真係以為我呢世都會跟住佢呀？！慳0的啦！我一日未應承呀！一日都唔係啦！更何況～佢咩料呀？！我做咩要跟住佢呢0的咁 cheap 0既人一世捱窮呀？！家陣全世界得番佢一條男人咩？！
不過～既然佢咁樣講得！OK！我覺得冇咩問題！咁樣仲好添！唔洗再"side"大家時間！
哼！但係～我真係火鬼滾…… -___________-" 我呢0的咁高質素0既～都已經唔嫌佢～肯要左佢架啦！點知？！佢調番轉頭嫌我～嫌我任性～嫌我成日走堂～嫌我對佢唔好！咁不識好歹～仲話我唔係佢0既結婚 type！佢都算好野喇！
拿！「反轉豬肚就係屎」咪就係佢呢"挺"囉！哼！俾個良心佢當狗肺！哼！不知所謂…… >___________<
之前～我明明"生歐歐"0係度～仲係佢條女～未同佢散！佢都可以帶0的女返屋企！仲可以夠膽死周圍同0的女講～0係佢屋企0既野～係佢以前女朋友0既！犀利！我真係服左佢！佢都幾好野丫！講大話講到出晒面！講大話唔眨眼…… -________-"
依家咁咪好囉！你呢句說話已經變成真啦！我確實係你以前其中一個女朋友呀！你唔洗再呃你0的女咯！咁咪好囉！恭喜晒喎！
一係就同人講話就黎同我散！依家？！唔洗“就黎”啦！已經散左咯！你安樂啦！0下嘛？！唔洗再呃人地喇！開心啦？！滿意啦？！
不過～我真係想知～你係咪除左呢0的招數之外～就冇其他架呢？！用黎用去都係呢0的屎"橋"！冇0的新意！Til…… -_____________-"
又係佢話我就算知道晒佢所有野～我都縛佢唔住架咯！
Til！係呀！我係縛唔住你呀！咁又點？！我都唔係咁想縛住你！你唔值得我為你咁做！好丫！你咪去搵個縛得住你架囉！祝你好運！
我就放長雙眼睇0下你娶唔娶到老婆！睇0下你娶到個咩老婆返黎咁巴閉囉！
＊你唔會唔請我黎飲呀？！大家咁熟！放心喎！我實做厚份人情架喎！＊
唉！呢0的人～我都廢鬼事再理喇！由我本來都唔係咁憎佢～我依家開始好憎佢！但係～我又唔想憎一個人！因為好"side"力氣！好攰！
點都好！你唔愛我！唔珍惜我！唔緊要！冇咩所謂！我冇左你！仲有一大堆人會愛我～關心我！會欣賞我！你都識講啦！我冇左你！係唔會死0既！
但係～唔好再俾我知道你仲係咁樣落去！唔好搞到我勁憎你！唔好搞到你自己好黑人憎！唔好搞到識你0既人都憎晒你！你知唔知你咁樣會好折墮？！不過～你要折墮～我都阻唔到你！既然你覺得你仲有大把時間0既話！你慢慢啦0下！
我呢～依家就繼續搵我想要0既 type！
黎緊我0既 type 應該會係0的廿二～三歲0既！唔洗太靚仔！但點都會靚仔過你0既！又唔洗太型！但又點都型過你0既！都唔洗太有錢！只要有錢過你就得！可以0既話～食煙啦！呢期0岩我！哈哈…… ^_________^
＊不過～你地放心！終有一日～我會戒！＊
同埋～最緊要0既係愛我～對我好！專一！唔會呃我0既！
即係我唔係話一定要咩都好過晒你！但我相信～0係街隨手拿件男人～都只少有一樣野好過你！
＜《烈火雄心》＞
今日晏晝～睇電視！發現又重播《烈火雄心》呀！今日先第二集！正呀！我鍾意…… ^______________^
熟我0既人～應該知道咁耐以黎～我最鍾意0既一套劇集就係《烈火雄心》！
記得有一年暑假～夜晚十二點半重播！咁我就晚晚都追！
嘩！唔知呀！重播完又重播！我都仲係咁鍾意睇！真係百看不厭…… ^______________^
冇辦法～佢地呢班消防員太型喇！我鍾意呀！我都好想考消防員架！又好想考差婆！依家～又想去考空姐！哈哈…… ^___________^ 三心兩意添！
不過～唉！講就易！做唔做到～就另一回事喇…… -___________-"
同埋～又要等到１８歲先可以去！
唉…… >_________<" no GOOD 呀！