網誌
2003年9月8日 上午9點59分00秒9-9-2003 Tuesday
＜仲有２日～我就生日喇！唉…… >_________<" ＞
琴晚灘左落床之後～諗住訓架啦！點知？！十二點八九個字～“落錯車”響喎！0下？！咁夜～邊個打黎呀？！
睇睇個 no.！六字頭！手提！究竟係邊個呢？！
一聽！哦！原來係張張！佢已經開多左張 card 黎用喇！佢依家用緊0個個得６００分鐘～唔夠喎！
所以～開多張 card ～將舊0個條線飛落去新呢條線度囉！
不過～我就奇怪佢～點解唔轉過多 D 0既分鐘呢？！佢依家咁樣加埋～唔係仲貴過轉過個 plan 咩？！
好！等我搵佢理解0下先…… >_________<"
今日九點幾～醒左～因為好熱！所以～我開左 fan 之後～先再訓過！
訓到差唔多十點半～我個仆街老豆返黎！佢仲搬埋個櫃返黎添…… >_________<"
之後～就大大聲叫我起身～幫佢手搬個櫃入黎屋度！跟住～督求其放左0係一邊先！嘩…… >_______<" 阻唔阻頂 D 呀？！
然後～唔理啦！佢就走人！我就繼續訓過！不過～訓到落床～又訓唔番喇！唉…… >_______< 緊係啦！醒過兩次喇！點訓呀仲？！所以～我就起左身喇！又睇帶囉！唔係～有咩做呀？！
跟住～一路睇電視～一路食包包…… ^_________^
睇到點幾～我就開左部電腦！
一 online～就收到 AlicE message～佢同我 say "HAPPY BIRTHDAY"！
冇耐～佢再 "Hi" 我！
咁我就同佢講～我未生日呀！仲有兩日嘛！
之後～佢就話 "haha.......soon la....."
跟住～再同佢傾左幾句～佢就 off 左 line 喇！
然後～我又繼續0係部電腦度搞0下呢樣～搞0下0個樣咁啦！
一直到差唔多兩點～我至愛0既張張打黎！
同佢傾左一會兒啦！又收左線喇！
佢個死八公呀！叫我去 search 個 "agnes b." 袋呀！跟住話個 location 俾佢聽喎！
我頂佢個肺丫…… >_______<" 依家我生日定佢生日呀？！我去？！我去搵到～咁不如我自己買埋啦！仲話個 location 俾佢聽做咩呀？！傻架？！
唉…… >________<" 唔知佢會唔會 search 到我俾我～俾個 surprise 我呢？！如果～佢真係 search 到！咁就正爆喇！我返 SBI～就型哂喇！唔係講笑！哈哈…… ^_________^
不過～點都好啦！我唔再乎0既！但係～就最好有0者！
我最希望都係佢可以0係我身邊～陪住我！that's OK！I LOVE IT SO MUCH…… ^__________^
同佢收左線之後～我就繼續 ICQ～同阿奕中傾啦！哈…… ^________^ 佢話～遲 D 先俾生日禮物我喎！唉…… >_______<" 咁好啦！算！不過～佢已經係好耐之前應承話送俾我架喇！唔知佢會唔會又呃我呢？！其實～佢份人都唔係好信得過架咋…… *__________*
佢仲話方誠佢地中秋八月十五（９１１）搞 BBQ～問我去唔去！
之後～我問佢有咩人去！佢話有阿司徒～女班長佢地！
跟住～我應佢一句 "oic......."！
然後～電話響喎！係我老豆打黎0既！佢問我出唔出去！佢話晏 D 返黎～整個櫃上去喎！叫我幫手囉…… >________<"
唉…… >________<" 冇法啦！我確實都冇頂去！我都寧願佢快 D 拿拿聲搞掂晒 D 野好過！咁佢就唔洗成日返黎 LU！
係！講番我同阿奕中0係 ICQ 傾緊0既野先！話說方誠佢地搞 BBQ！我知道左有咩人去之後～即刻唔想去啦！又唔係我 D 老死去！去黎托咩？！
何妨～我真係好怕 hot 呀！咁如果夜晚搞0既話～我都冇興趣去啦！
我依家煩惱0既又唔係夜晚～係晏晝咋嘛！夜晚～張張已經可以陪我啦！
不過～１０號晚～家姐又話同我＆媽咪慶祝～去食飯！１１號晚～又話齊齊上阿婆度食飯！0下？！咁我咪唔洗同張張慶祝？！
唉…… *________* 好煩呀！咁點呀？！唔通晏晝～我真係要自己0係屋企！嗚…… >_______<" 好耐都未試過咁寂寞過生日喇！
唉…… >________< 不過～都冇辦法架喎！個個唔係返工就返學啦！邊有人好似我咁空閒丫？！唉…… >_____< too BAD！
三點幾四點～我老豆就返黎喇！
跟住～就開始整個櫃上牆0勒！
嘩…… >____<" 整得幾辛苦呀！左整右整～整極都整唔到！
之後～我老豆仲叫我落去買野！好啦！咁我以為買左～咁就好快整完啦！
唉…… >_______< 點知？！買左上去之後～佢又叫我行多次落去買！頂…… >________< 麻鬼煩！
唉…… >________<" 之後～都係整極都整唔到！
一路整到六點幾～我阿媽返0勒！都未整好！
不過～到最後～佢終於整到喇！不過～始終都係唔係咁平！同埋～我硬係覺得好似唔係咁穩陣咁呀…… >_________<
整好左～執好哂野之後～家姐都返左黎啦！
七點幾八點～我地就食飯喇！不過～家姐冇食喎！佢又心情唔好啦…… >________<"
食完飯之後～我就洗碗～然後～睇埋“皆大歡喜”～我就洗白白啦！
跟住～就一路對住部電腦喇！
個死人張霑丫…… >__________<" 九點幾～係成十點鐘！先打俾我喎！
佢話喎…… >_______<" 上完堂之後～返左屋企訓喎！之後～收到佢個 friend 電話～唔知咩隻腳好痛～想食糖喎！咁佢就去探佢喇喎…… *_____________* （即係佢打俾我0既時候～佢已經0係路途中啦！）
唉…… >_______<" 唔知有一日～我入左醫院0既話～佢會唔會探我探得咁密呢？！唉…… >________<" 心淡啦！
跟住～佢仲話想見我！叫我去 join 佢喎！
咁我見咁夜～緊係冇應承佢啦！
之後～佢話去同 friend 食飯先喎！晏 D 再搵我！
豈有此理話！真係搞到我火都黎埋！咁夜仲叫我出去？！冇病呀？！
之前就掛住訓！依家～ friend 話有事～就仆到去！我真係頂佢個肺…… >_________< 緊張個 friend 仲多過我！你話我～會唔會唔嬲呢0下？！ 依家個 friend 好緊要架？！冇左你～會死呀？！你都有個 friend 去啦！仲洗唔洗你呀？！趁墟呀？！仲要～同 friend 食完飯先去醫院！咁証明訓0係醫院個 friend 都唔係咁緊要0者！0下嘛？！
咁我份生日禮物～我相信凍過水喇！頂…… >________<"
唉…… >__________<" 冇心情呀！唔講喇！哼！不要惹我呀！
我係唔會彩佢架！
＊死八公！哼…… *___________*＊
跟住～我收到阿珍電話～佢問我讀書0個度點！
然後～我就同佢傾啦！
之後～佢問我聽日有冇野做！咁所以～佢聽日就黎搵我喇！
我姑姐呀！都係呢幾年先記得我生日咋…… >_______<" 大概都係因為“９１１－世貿倒塌”單野啦！令佢易得 D 咁囉！
哈…… ^___________^ 話說呢單野發生0係我某一年0既生日（我唔記得邊年～前年？！）！0個年0既生日～我0係屋企～同屋企人準備食 birthday cake！即係我差唔多許願～吹 candle 0既時候～新聞就突然做世貿倒塌喇！
唉…… >________<" 邪得幾緊要呀！我吹完～佢就播世貿倒塌條片出黎喇！
不過～我地以為然～繼續開心地食 birthday cake！
唉…… >_________< 但係我始終覺得～發生呢件事之後～９１１硬係好不利咁！呢幾年我0既生日前幾日～總係會有 D 唔好0既野發生！唉…… >________< 今年都係咩呢？！好驚呀…… >__________<" 總之～我覺得由0個年開始～我倒楣起黎…… *__________* 所有衰野～好似開始衝著我而黎咁！唉…… >_________<"
天呀！點解你要咁做呀？！
不過～唔知～其他同樣係９１１ birthday 0既人～會點過佢地0既 birthday 呢？！
唉…… >_______< 唔知呀！好煩呀…… >__________<" 唔理啦！