網誌
2004年2月10日 上午11點21分00秒11-2-2003 Wednesday
＜好亂！我可以點？！＞
話說上個星期五～條仆街張霑俾我發現左0的野！之後～我就"啤"住佢！
佢同我講：「冇野！真係冇野！只係普通傾閒偈！」
我真係想打爆佢個頭！冇野？！咁冇野係咪都咁多野傾呀？！0的內容仲要係0的咁0既野！你老闆丫！呃人都諗清楚點呃先丫…… *_____________*
跟住～我就去左洗白白！
洗完白白出黎～佢同我吹頭！吹完之後～佢同我講左好多野！當然～就係講0的叫我唔好離開佢0既說話啦！佢話佢同個「死八婆」真係冇野！佢問我點先會信佢！之後～我話我點都唔會信佢！跟住～佢就自爆話：「我聽日就同佢講分手！」大家留意～係「講分手」！呢三個字已經證實左喇！已經明顯證實左佢同條「死八婆」根本就仲未完！Dil…… *___________* 想點呀？！呃完一次又一次！呃黎呃去呃到幾時呀？！
佢話佢拎住隻虎虎黎搵我0個晚～已經決定左～決定以後唔會再呃我～決定只係同我一齊！叫我信佢！俾多最後一次機會佢！
如果係咁～咁點解呢日之後0個兩日都仲同條「死八婆」有咁多野傾呀？！答我呀！
妖！既然你咁鍾意同條「死八婆」～咁你仲留我做咩呀？！
唉！Dil！但唔知點解自己仲要攬住佢訓！仆街丫…… >________<"
第二朝～佢返工！而我就仍然0係佢屋企！佢放左工返到黎就同我講～佢話佢已經打左俾條「死八婆」同佢講左喇喎！
頂佢個肺…… >__________<" 點解我要信佢呀？！佢話講左就講左架喇！？哼！我死都唔會信！我話過～我呢世都唔會原諒佢就唔會！哼！佢註定俾我玩殘吧啦！
＜講番今日～我慶到震…… *___________* ＞
今日～我返到學校～上進叫我落 common room 睇條「死八婆」0既日記！「死八婆」話佢唔再寫日記喇喎！仲俾埋佢個所謂0既阿哥寫添！
哈！我就唔信佢唔寫喇！佢咪最多開過個黎寫！Til…… *_______________*
之後～再睇睇「死八婆」0的相！嘩！上進同我笑到死！我開頭都唔係好信上進話：「佢0的 friend 真係好唔掂！個個唔係豬扒就…… >__________<" 佢0的所謂0既 friend 都勁有問題囉！佢同人唔係好 friend 就扮晒 friend！」嘩！確實我睇到之後～真係有0的想嘔！佢0的 friend 喎…… *______________*
仲要～條「死八婆」同0的 friend 唔係好 friend 就扮晒 friend！Oh～SHIT！我就至憎0的咁0既人架喇！唔熟就扮晒熟咁！人家同你有親咩？！
睇完之後～我決定左做一樣野！呵呵…… ^______________^
然後～我同上進就開開心心死去上堂 lu…… ^_____________^
上完之後～我地四條人齊齊去食野！今日努力冇返黎呀！
嘩！我地去左去開0個間食牛腩粉麵啦！
今日個老細痴左線咁呀！話說本身我地想去隔黎0個間食！因為見佢呢間好多人！點知？！個老細0係度話：「唔好去隔黎間野食呀！唔好食架！就黎執架喇！」嘩！唔係呀化？！洗唔洗咁咒人地呀？！人地仲要好似開張冇耐架咋喎？！
上進同我開始好睇唔起呢間野！所以～我地就決定下次去隔黎0個間食！叫我地唔去咩？！偏要去！吹咩？！我地就係咁架喇…… *___________* 鬼叫佢講野講得咁衰呀！對呢0的人～我絕對睇唔起佢！
仲有呀～唔知對面邊間鋪有隻貓走左入黎喎！跟住～嚇到有一 table 0既女仔大叫！嘩！開頭唔知佢嗌咩！搞到我嗌埋一份…… *_______________* 然後～個老細同0的 staff 就0係度打隻貓～踢隻貓～趕佢走！仲兩次添！嘩？！唔洗呀？！係咪咁趕貓呀？！雖然我唔鍾意貓！但係我至憎人咁對0的小動物！呢0的人～我更加睇唔起！
0個 table 0的女又發神經0既！貓0者！會唔會嚇死你地呀？！咁你地依家死左未丫？！誇張到死！妖！又令我好憎呢咋人！其實～我一早已經唔 like 0個 table 某0的女仔！因為佢地成日0係學校"啤啤貢"～唔知"啤"乜春！Dil！都唔知想點…… *___________*
食完野～大家姐買完衫扭之後～我就返屋企！佢地就繼續返學校聽 talk！
返到屋企～我就做野喇！HeHe…… ^_______________^
點知？！五點幾～張霑打俾我發我圍！你老闆丫！我唔覺得自己有錯喎！我都係想以絕後患0者！
咁你依家都拎番晒啦！仲想點呀？！你咁鍾意要～咪要飽佢囉！咁我地一齊都冇意思！算吧啦！
＜火都黎埋！＞
睇到個「死八婆」0既日記！真係慶到嘔屎…… >___________<"
咩叫「小虎妹」係佢呀？！你傻架？！知唔知「小虎妹」0既由來呀？！認認認！睇清楚先打上去啦！你話什麼妍係就係架喇？！
拿！我依家話你知～「小虎妹」係我！「小苦妹」係「苦榮」個妹呀！你識唔識架？！係有抄唔係有抄！又唔撐開你對眼先抄！死 cheap 精！抄抄抄！抄死佢啦！隨便添呀！
Dil！早知去申請版權啦！妖…… *__________*
＜張張好早返屋企…… *______________* ＞
話說琴晚～張張出左黎旺角搵詩韻佢地！因為詩韻唔開心呀！
哈！咁張張咪順便送埋我返屋企先囉！
佢條死仆街～嘩！成三點先返屋企！痴線架！
不過～冇辦法啦！朋友落難～呢個時候～好需要大家0既 support！
唉！Dil！分手呢樣野～硬係唔知點解一輪輪0既？！?_________?
0係張張0個堆～先係奶奶支～然後就我同張霑～跟住～依家就詩韻同大猩猩！
不過～係架喎！圍內一班 friends 通常都係咁！拍拖一齊拍～單身一齊單身架！唔知點解架喎！唔知係真係大家有問題丫！定係受到人地0既影響呢？！*_________________*
唉！點都好！我希望大家唔好再咁唔開心喇！
＊詩韻～雖然我地只係傾過幾句偈！但係～我都唔想見到你唔開心呀！我希望你開心0的啦！＊
＜好迷惘…… >_____________<" ＞
今日～聽到好多說話！有人同我講：「張霑其實仲係好愛你0既！佢都係一時貪念0者！」又有人同我講：「既然你地仲一齊緊！仲0係度煩咩0者？！」都有人同我講：「你想點就點啦！」等等！
唉！我都唔知呢0的說話係 support 我丫～定係點…… *_________* 好煩呀！
＜大家姐個 friend 結婚！＞
好搞笑…… ^___________^ 話說大家姐上個星期五話俾我地知～佢個 friend 同左條仔分手之後先發現自己有左…… *__________*
咁大家姐上星期五0個日就半夜四五點走左出去陪佢個 friend！搞左成晚！佢個 friend 唔想要個 B B！但係原來條仔係想要！
到左今日～最新消息！大家姐話佢地決定結婚啦！
勁搞笑…… ^__________^ 事緣因為大家姐叫條仔去搵條女阿媽傾偈喎！咁阿 AuntiE 就同個女講：「呢個人制得過！」咁所以～佢地最終都係決定去排期結婚啦！
唔！其係係好事黎架喎！結左婚～咩都唔洗愁 lu…… ^________^
不過～確實兩個都係２２歲～仲係咁後生～我始終覺得仲未適宜結婚囉！不過～既然都搞左"彈"野出黎～唔結都唔得架喎！
跟住～大家姐話：「唉！又要 save 定＄做人情喇！」
嘩！好彩～我冇呢0的咁0既野0者…… ^_______________^
我個個 friend 都冇咁大個播…… *__________* 我識0既人裡面～最老0既已經係張霑 lu…… >___________<