網誌
2007年3月23日 上午5點02分55秒21-3-2007 Wednesday
＜同事們的眷顧！＞ 距離我離開“廣灃／裕灃”的日子不遠了！倒數最後３日！
今日係我0係“廣灃／裕灃”0既最後３日喇！
話說今日係星期三～即係爸B每個禮拜放假0既日子！所以～我就自己起身刷牙仔～洗面！跟住～食早餐！我0既早餐係我琴晚特登0係屋企拎過黎0既檸蜜味小牛旦蛋糕！食完我0既蛋糕之後～我就去洗白白！然後～就整頭！好彩～我琴晚又好醒咁特登0係屋企拎埋枝 gel～預備今日起身整個死人頭！咁我搞掂好晒～就 ready 出門口0勒！臨走0個陣～見爸B訓得好"林"囉．．． >﹏﹏﹏﹏﹏﹏﹏﹏﹏﹏< 佢就好啦！唔洗返工！好羨慕呀．．． -___________________-" 哈！不過我放假0既時候～佢就返工！咁查實都係一樣0者．．． *﹏﹏﹏﹏﹏﹏﹏﹏﹏﹏* 哎呀！佢訓得咁開心～我唔理佢喇！錫左佢幾啖臉豬仔之後～我就走左喇！
八點八個字出門口～返到公司都係九點一兩個字！唉！但我咁早返到去都唔知做乜．．． >_________________<" 我都就走咯！唔通仲同佢博命咩？！我啋佢都傻！所以我就係咁樣坐0係個位度～ CC 姐姐有野咪俾我做囉！冇野做0個陣～我咪好努力咁打我0既日記囉！HeHe．．． ^﹏﹏﹏﹏﹏﹏﹏﹏﹏﹏^ 就係咁樣～好容易就過左一個上晝．．． ^_________________^
到下晝0既時候～入去廚房載完杯水出黎～打算經過個倉入返去 office！咁0岩楊小姐走出黎倉！開頭我地都只係掂行掂過！點知？！當我開門想入返 office 0既時候～楊小姐就嗌番我轉頭！佢話想八下我係咪唔做喇喎！咁我咪老實咁答佢係囉！然後～佢問我搵到份咩新工！咁我約略講左俾佢聽之後～佢都話覺得我份新工唔錯～應該幾好做！UM．．．承佢貴言～希望份新工好做啦．．． ^_________________^ 佢仲話第時有咩唔識～可以打返黎問佢喎！哇！聽到呢句說話～真係好鬼感動囉．．． ^﹏﹏﹏﹏﹏﹏﹏﹏^ 我冇諗過我走0既時候會聽到同事唔嫌我煩～仲叫我有咩問題可以搵佢！真係估唔到．．． *﹏﹏﹏﹏﹏﹏﹏﹏* 不過～我一直都覺得成間公司入面～個個都係好人！佢地知道我乜都唔識～會好耐心教我！0係佢地身上～我真係學到好多野～呢樣係真0既！真係要好衷心咁多謝佢地．．． ^﹏﹏﹏﹏﹏﹏﹏﹏^ 跟住～因為我食完飯0個陣聽到文小姐話會同楊小姐聽日同後日都上大陸！所以～我就話想今日請下午茶！點知？！佢話唔洗～佢話係調番轉頭公司請～因為佢話公司一直以黎都有咁0既傳統！每逢有同事離職都會請0個個同事去食飯～食 buffet 咁！奈何咁遲先知道我辭左職～兼且做埋呢個禮拜就走！趕唔徹出去食飯～所以就唯有0係公司嗌下午茶0勒！講真～我真係冇所謂！本身都諗住係我請大家食下午茶！因為阿媽同家姐之前話我知離職0既時候係應該咁做！咁依家都唔洗我請咯！唔通仲要求公司請我去食餐好咩？！哎呀！但依家唔俾我請下午茶～搞到我唔係幾好意思喎！丫！咁不如我後日買0的蛋糕返黎請大家食啦！HeHe．．． ^﹏﹏﹏﹏﹏﹏﹏﹏^
同楊小姐傾完偈～發覺時候都唔早～已經三點幾嚕！因為 lunch 0個陣唔記得拎張 artwork 落去彩印！所以我搞掂0的手尾之後～就拿拿聲走左落去“潮流倉”0個間曬相鋪度做彩印！印完之後～乘機‘扯ｃ’先．．． ^___________________^ 跟住～就返上公司 LU！
返到上公司～文小姐又捉住我同我傾偈！都係問我係咪唔做喇！做到幾時！轉做咩呀0個0的咁啦！佢聽到我話轉做 garment 之後～佢都覺得我仲後生～好應該去其他公司發展！佢話0係度做左咁多年～佢知道我地呢度根本唔會有咩發展0既潛力！根本已經慣左係一個咁0既模式～就好難再去發大黎搞！佢仲同楊小姐一樣～都話第時如果有咩問題～就不妨打返黎問佢！佢仲叫我去到新公司～就要主動0的～要俾到人睇我係有心去做！
UM．．．聽完佢同楊小姐呢兩個資深前輩0既一番說話～我就覺得自己選擇離開0既決定係一0的都冇錯！雖然我自己清楚知道將來條路係會好難行！但係難行得黎會有更好0既發展！我會覺得值得囉．．． ^_________________^
之後～咁大家就齊齊食下午茶啦！一路食野就一路做野！正呀！哈哈．．． ^﹏﹏﹏﹏﹏﹏﹏﹏^
跟住一直做野做到差唔多六點鐘～我就執野走人嚕！話說阿媽打俾我話去開檯！所以我就要同家姐相依為命0勒！大概七點鐘～我就返到屋企！見到家姐返左黎！不過～睇佢個勢就知佢只係早我少少返到屋企囉．．． -___________________-" 佢準備去洗白白！當佢去洗白白0既時候～我又乘機‘扯ｃ’！HeHe．．． ^﹏﹏﹏﹏﹏﹏﹏﹏^ 跟住～因為我收到 MANHATTAN 張 statement～但我發覺睇黎睇去都唔知點找數！見到好似話要有渣打 account 先可以0係櫃員機度找！不過～見到可以用繳費聆找！之不過～唔知點樣先申請到繳費聆！所以～我咪上網睇下囉！睇左一陣～終於見到點樣申請！原來要去“OK 便利店”或者“電訊盈科專門店”～0個度會有部唔知乜鬼野機！跟住～左"禁"右"禁"0的資料～就可以申請到！唉！見咁鬼麻煩！DIL！都係廢事搞咁多野喇！打去 Customer Service 度問下可唔可以用中銀 account 過數先！咁0岩家姐沖完涼走出黎！於是～我就叫佢幫我手睇下囉！佢睇完之後～都話可以用中銀咭過數！佢話佢0個張 CITY BANK 都得架喎！咦？！係描！我0個張大新都得啦！冇理由 MANHATTAN 唔得架喎？！唔係喇！都係打去問一問穩陣0的．．． ^_________________^ 於是～我就打去問囉！問過之後～原來真係得！雖然到期付款日係成４月１７號！但係～我覺得早0的問定先好0的！唔洗到時咁"哩 hea"嘛．．． ^﹏﹏﹏﹏﹏﹏﹏﹏^
跟住～家姐就上網查電話嗌外賣！打電話嗌左之後～我就去洗衫！之後～就想洗埋虎虎"cool 筍"！但因為有電池0係入面～唔知拆唔拆得！不過～經家姐仔細研究完一輪～佢就幫我拆左出黎！so GOOD．．． ^____________^ 於是～我咪拎去洗囉！洗完個"cool 筍"～就洗埋個廁紙筒！然後～就順便洗埋白白！洗緊白白0既時候～已經聽到開門聲！家姐仲走入黎廁所話我聽間野唔記得俾外賣紙我地．．． >______________<" 我仲叫佢幫我打開杯熱飲～"攤"凍佢添！佢出返去之後～我又聽到佢大嗌～原來人地有俾到外賣紙我地～只係擺左0係袋野食度0者！佢就係咁架喇！成日未搵清楚～就0係度嗌定先！真係麻鬼煩．．． *﹏﹏﹏﹏﹏﹏﹏﹏*
當我洗完白白出黎～家姐已經食完！佢仲叫我拿拿聲食！唔係就會索晒水！因為佢已經食完～所以佢就0係度"鍊"住腳咁睇電視！佢"鍊"完腳～就去左撚電腦！當我食完我0既晚餐！我就"攤"左0係阿媽張床度睇電視！睇到差唔多十一點0既時候～就感覺到好眼訓！所以～睇睇下訓著左！到我醒番0既時候～已經係十一點九！於是～我就拿拿聲熄電視！然後～就去吹頭～刷牙仔！家姐見我準備訓～佢都熄電腦上床訓嚕！上到床之後～當然就不忘打俾爸B啦！佢個死佬～仲未玩完馬仔！哼！唔啋佢！話知佢添呀！我訓覺．．． >﹏﹏﹏﹏﹏﹏﹏﹏<