網誌
2007年3月21日 上午3點14分00秒20-3-2007 Tuesday
＜兩科考試都合格了！＞ 距離我離開“廣灃／裕灃”的日子不遠了！倒數最後４日！
今日一返到公司～乜都冇做！即刻試下打去“CITA”0個個莫小姐度～問下我考試0既分數先！點知？！打左勁多次都冇人聽．．． >﹏﹏﹏﹏﹏﹏﹏﹏< 咁我咪留 voice mail 囉！但係～我覺得留 voice mail 都唔知要等到幾時先覆到我．．． *_______________* 所以我就繼續狂打囉！打到終於都有人聽0既時候～個姐姐就話我知莫小姐未返．．． -_________________-" 我順理成章問佢莫小姐大概幾點鐘會返到囉！個姐姐話我知大概十一點鐘！嘩！乜工黎架？！十一點鐘先返工咁正架咩．．． >﹏﹏﹏﹏﹏﹏﹏﹏< 於是～我就0係度做住其他野先囉！0係度搞下呢樣0個樣～‘Pretend Busy Work Work Work’．．． *_________________*
到十一點幾～我又再打俾莫小姐！開頭都諗住未必會搵到佢！點知？！一打就搵到！然後～我就問佢分數！講左個 class code 同中文全名俾佢知！佢就幫我睇到分數！從而得知我 module 2 有７７．４４分～ module １有６７分！我仲驚自己聽錯！所以～叫佢 repeat 一次俾我知！結果～原來我係冇聽錯！我兩科都 pass 呀！好野！勁開心囉．．． ^﹏﹏﹏﹏﹏﹏﹏﹏^ 我仲開心到好白痴咁問佢～係咪即係唔洗補考！KaKa．．． ^_______________^ 不過～聽到自己合格真係勁開心呀！話說琴日聽到兩個同學仔話 module 1 唔合格～咁我都有晒心理準備諗住自己 fail 架喇！加上～ TIFFANY 合格得黎又只係得５０分～0岩0岩好合格咋喎！咁我咪懷疑就算份功課拉到分～都未必幫補到好多囉！但當我自己聽到有６７分0個刻～簡直唔敢相信囉！哎呀！冷靜0的！依家我確實真係 pass！好野！我可以拎到爸B份禮物仔嚕！期待已久啦！HeHe．．． ^﹏﹏﹏﹏﹏﹏﹏﹏﹏^
我就係咁樣帶住興奮0既心情0係公司坐足一日！因為依然都係冇野做～完全係想‘Pertend Busy Work Work Work’都唔得！就黎悶死我喇！唉！不過好快啦！仲有三日0者！捱埋去．．． >________________<"
既然0係度都冇野做！五點七八個字～我咪執野走人囉！我執左個虎虎電動"cool筍"同埋把虎虎遮返屋企囉！查實個虎虎"cool筍"想掉左去～唔拎返屋企架喇！因為佢已經好污糟！又唔知洗唔洗得！我怕整濕入面電池0個0的位！不過～都係唔好理咁多！拎左返屋企先算啦．．． -___________________-"
因為晏晝同爸B傾電話0個時～已經講好左我放工會返屋企～洗個白白換套衫先～然後我地先出去食飯！所以我就走去等巴士！等左好耐～終於都有車黎！咁咪拿拿聲上車囉！上車冇耐～就收到爸B電話！佢話佢都返屋企"hea"下先！佢仲嗌我搞掂打俾佢！咁我就同佢講預我大概七點鐘啦！應該 OK 架喇．．． ^﹏﹏﹏﹏﹏﹏﹏﹏﹏^ 話說我地話去“壽司亭”度食！所以我地順便約埋0係“瓊華”等！
說時遲那是快～大概六點三四個字～我就返到屋企！一入門口～就見阿媽坐左0係度食緊野！因為我臨收工0個陣打左俾佢話我唔食飯架嘛！所以佢好詫異我點解咁早返黎屋企！咁我咪話：「唔通拎左個"cool筍"行黎行去咩？！」之後～佢就話0勒：「都嗌你星期五先拎返黎咯！」咁我咪話囉：「廢事星期五 last day 拎住咁大袋野走啦！好似偷野咁！」真係架喎！臨走0個日先一次過拎走成大袋野！仲唔似偷野呀？！同埋～睇電視都睇得多啦！通常0的人俾人炒先至會一次過用個載 A4 紙0既箱！然後執晒自己0的野走架嘛！喂！大佬！依家我唔係俾人炒～係我炒老細喎！唔好搞到係我俾人炒先得架．．． *﹏﹏﹏﹏﹏﹏﹏﹏﹏* 之後～阿媽沖埋水煲0的水！咁佢就出門口去阿婆屋企 LU！咁我就去洗白白！洗完白白就換衫啦！換完衫諗住仲早！所以我就0係度睇番琴晚0個集〝向世界出發〞！睇睇下～都係整左個死人頭先！我都未整完個頭！爸B就打黎！因為隻手好多 gel～所以我就廢事拎部電話黎聽囉！點知？！爸B係咁打黎囉！打左好幾次！但我都未整完個頭！點聽0者？！咁我咪唔理佢！繼續整個頭囉！當我整好個頭～想打俾爸B之際～佢就打黎0勒！佢問我0係邊！佢話已經差唔多行到灼“瓊華〞喇喎！下？！咁我咪話佢囉！我都未打俾佢～佢咁快出門口做咩．．． >________________<" 然後～我叫佢等多陣～我就出門口咁囉！跟住～佢就好無奈咁收左線．．． -__________________-" 同爸B收左線之後～我就拿拿聲執埋枝 gel～藥膏同埋聽朝諗住食0既早餐擺落個袋度！然後～我就諗住著鞋啦！點知爸B又打黎！佢話“壽司亭”九點半後入座計～全單七折！下？！八點都未夠喎！點樣等到九點半？！跟住～爸B就話我過到去先再算！收線之後～我就即刻著鞋！然後～走人0勒！
用左幾個字0既腳程～我就行到過去“瓊華”！但係～唔見爸B喎！咁我咪打俾佢囉！原來佢0係隔黎“泰林”睇緊野！咁我咪同佢講住電話咁行過去搵佢囉！點知？！一出左“瓊華”門口～爸B就行到過黎0勒！哎呀！俾佢快我一步添．．． >________________<" 我地見到面就齊齊收線！跟住～爸B問過我肚唔肚餓！咁既然我地都唔係太肚餓～咁就一於等到九點半啦！但係問題就黎0勒！我地點樣由八點鐘"hea"到九點半呢？！爸B諗左一陣～提議去睇戲！佢話想睇〝戰狼３００〞喎！於是～我地就走過去〝百老匯〞睇下有冇飛啦！奈何八點半0個場得番前0個幾排！車！咁緊係唔睇啦！咁前～點睇呀？！然後～個售票員就 show 十點幾0個場俾我地睇！但係～十點幾開波睇～睇兩個鐘喎～即係要睇到成十二點幾！咿．．． >﹏﹏﹏﹏﹏﹏﹏﹏﹏< 咁晏！唔睇啦！跟住～我就提議博下〝金聲〞有冇得睇啦！於是～我地就走過去！過到去0既結果～原來係冇呢套戲上囉．．． *________________*
既然係咁！我地就唯有行下街街啦！爸B話上“好景”睇下 NDS！經過馬會～佢醒起今日星期二！咁我地就諗住走入去買六合彩啦！當爸B入左錢落智財咭～我搵到六合彩飛諗住畫0既時候～就聽到宣佈已經截左！oh．． -_______________-" 咁証明個天唔想我地買啦！然後～爸B就0係部機刷一刷張智財咭～睇下有冇波好買囉！佢"督"左幾"督"之後～發覺冇咩波好買！跟住～我就提佢聽日係星期三～跑馬囉！佢聽到我咁講～佢就話要去買份馬經"刨"下0勒！我地0係馬會‘混吉’完一輪～我地就上左“好景”係咁易兜左個圈！
跟住～我就話去“潮特”行下！咁0岩經過報攤～爸B就買左份馬經！然後～我地就去左“潮特”行！好快就行左一次！之後都唔知去邊好！所以要行埋一二邊食枝煙仔諗下先！因為爸B話隻腳好"支力"～所以就決定搵個地方坐低！咁0岩去到“仙跡岩”～就是但啦！我地好快就飲完杯野！咁咪結賬走人囉！查實都已經九點五～咁我地行過去～上埋去坐低應該0岩0岩好架喇！
說時遲那時快～我地就上到去“壽司亭”！一開門以為會有好多人0係度等位！點知？！原來係冇乜人！望入去～勁多吉位囉！車！我諗住0的人會好似我地咁貪平～等到九點半先黎食．．． -_________________-" 丫！可能今日星期二呀！閒日邊多人出街食飯架？！咁有個姐姐仔問我地想坐迴轉檯定 order 檯！咁我地就緊係揀迴轉檯啦！佢帶我地去坐低左之後～我地就二話不說開始拎野食！又 order 左0的小食咁！食食下～爸B話坐0係對面0個 pair 情侶0個個女仔係佢以前中學同學！之前仲去佢鋪頭買左條 belt 添！於是～爸B就話想請人食番小小野！揀黎揀去～終於都決定嗌兩個柚子雪糕！咁就嗌個姐姐仔埋黎～同佢講入我地單～就送去0個邊！但係～0個個姐姐仔掛住做其他野～好似唔記得左！好彩～佢做做下野都記得～仲走埋黎問我地係咪兩個柚子雪糕！我地一路食野～就好期待當送到埋去0既時候～佢個中學同學究竟會有咩反應！所以～我地周不時都望過去！但我地成日係咁望過去～佢個中學同學都好似唔為意我地！真係奇怪．．． >﹏﹏﹏﹏﹏﹏﹏﹏< 就係咁樣～望住0個個姐姐仔拎雪糕埋去！因為佢就咁放低左雪糕就走～都冇話係我地呢邊請佢食！佢兩個可能以為送又冇問．．． *_______________* 於是～爸B就索性走過去打個招呼！等爸B同佢地吹完水走返過黎～我地食多少少野～就埋單走人嚕！原來我地兩個人都食左差唔多三百蚊！好彩有七折～即係只係二百蚊鬆0的就得喇！慳左幾多．．． ^﹏﹏﹏﹏﹏﹏﹏﹏^ 搞掂好張單～我地就起身準備走！爸B又話要同人地講 Bye Bye！所以～我就企0係門口等佢！佢同人地講多幾句就出黎0勒！咁我地就搭 lift 走人 LU！
然後～我就跟左爸B返屋企！當我地行到天橋0既時候～猶豫左一陣～究竟我上唔上去佢度好呢？！最後～都係決定唔好理三七二十一！上左去先算．．． ^_________________^ 上到爸B屋企～因為時間仲早～所以我地0係度玩啤牌！爸B教我玩十三張！學左一陣～我就識！我真係覺得自己好聰明囉！哈哈．．． ^﹏﹏﹏﹏﹏﹏﹏﹏^ 玩左好多鋪十三張之後～我地就玩牛牛！玩完牛牛～我地仲玩埋廿一點！到十二點幾～我就去洗白白！我洗完就到爸B洗！跟住～我地就齊齊覺豬 LU！攬住爸B覺豬～好開心呀．．． ^﹏﹏﹏﹏﹏﹏﹏﹏^