網誌
2006年12月11日 上午8點34分40秒9-12-2006 Saturday
＜爸B真正的２２歲喇！＞
今日淨係返上午！一點三離開左公司～然後走去搭地鐵！
去到太子站～叫爸B上我搭緊0個架地鐵！
一直去到銅鑼灣～本身諗住入到去赤柱先食野！但係佢話好肚餓！所以～我地就周圍搵下有乜食！左兜右兜～入左“翠華”度！嘩！0的野食貴到死！雖然不嬲都知“翠華”0的野貴～但係唔係貴到咁呀？！食個常餐～特餐都要七十幾？！0的野食仲要少到餵貓咁．．． *___________________* 我地嗌左野食～仲要等成幾個字先有！大佬！煮個麵都麵碗粉～洗唔洗咁耐呀？！0係我有生之年～一定唔會再踏入“翠華”半步！
跟住～我地就一路行一路搵小巴搭去赤柱！
行下行下～就行到去登龍街！等左一兩個字～就有小巴喇！搭呀搭～搭左半個鐘頭車程～我地就入到赤柱！
入到去～行過赤柱大街！然後～出到海灘～影左幾張相！跟住繼續行～經過好幾間 BAR！嘩！好貴．．． =______________= 不過～好多鬼佬0係度歎緊 high tea！好似好正咁！仲見到有檯檯底有隻 BO BO 豬！
之後～見到有個所謂0既赤柱廣場～係咁易行左一次！
跟住過左美利樓諗住 high tea～循視左一輪～發覺幾間餐廳都好貴！冇理由食個 high tea 仲貴過食0岩0岩0個個爛鬼午餐架？！所以～我地就打銷左呢個念頭！因為我記得赤柱大街入面好似有野食0既！於是乎～我地就走番過去！終於搵到間應該都 OK 0既茶餐廳！咁就入左去食0勒！我食左個我最愛食0既豬扒包！爸B就食左個雞翼薯條！千里迢迢入到黎赤柱寫呢兩樣野！好似有點兒那個．．． -________________-" 是但啦！好又一餐～唔好又一餐啦！
食完之後～我地就打算搭巴士離開～去尖沙咀！臨走我仲同赤柱大街影左張相添！HeHe．．． ^﹏﹏﹏﹏﹏﹏﹏^
去到巴士站～睇下有冇巴士搭出尖沙咀啦！結果～係有架！見到有架“９７３”號去尖東！YEAH．．． ^﹏﹏﹏﹏﹏﹏﹏^ 不過～睇一睇個路線圖！嘩！左兜右兜～應該要成粒鐘先返到出去！AM．．． =_____________= 是但啦！時間尚早0者！望一望錶～差唔多六點咋嘛！慢慢囉！於是我地就企埋一邊等呢架車0勒！等左一陣～個司機就走上車開車嚕！咁我地就上車啦！
搭呀搭～搭左成個幾鐘！大概七點半先到尖沙咀！我地0係“半島酒店”落左車！
跟住～我地就衝住咁行去“CHOCOLATE”！因為爸B好心急想買褸！今日已經開始涼涼地～但佢仲淨係著住件短袖衫！佢又覺得凍凍地！咁我就話送件褸俾佢當聖誕禮物！然後～佢就0係度學我話唔要聖誕禮物！哼．．． =_____________= AR．．．是但啦！當咩禮物都好啦！總之我就送件褸仔俾佢啦！UM．．．作為佢0既女朋友～送件褸俾佢都好正常0者！洗乜諗係乜乜乜禮物丫！係咪先？！^﹏﹏﹏﹏﹏﹏﹏^
去到“CHOCOLATE”～爸B睇下呢件～睇下0個件！終於都揀左兩件黑色褸！一件厚一件薄！我就送件厚0既俾佢！件薄就佢自己買！因為厚0個件貴過薄0個件少少！我知佢自己實唔捨得買架喇！咁我就送俾佢啦！佢又話佢冇厚褸著！於是～我地就叫左個 sales 哥哥拎兩件新0既出黎！0係度等緊0既時候～我又屎忽痕0係度睇牛仔褲！因為我想買爸B著緊0個條牛仔褲！佢0係度買架！可惜丫！“CHOCOLATE”暫時都未有女裝賣．．． *_______________* 0個個 sales 哥哥見我咁 likey ～佢就叫我試下！但係最細 size 都低腰 30"！心諗～實鬆啦！點知？！試完出黎～發覺條腰就唔係好鬆！因為我0的低腰全部都 28～9" 啦！所以都 OK 架！但係～望落就好闊身！我諗係 cutting 問題！始終男裝同女裝0既 cutting 都唔同！有個 sales 姐姐見到我嫌闊身！咁佢就拎多條俾我試～係修番少少0既！但我覺得都唔係點修囉！好似同之前0個條冇咩分別．．． >______________<" 於是～我就放棄左買褲呢個念頭喇！然後～去俾錢啦！點知？！發覺唔可以用俊文0的積分黎買～冇佢0的積分就冇得平成舊幾水！左計右計～好似好唔抵咁！本身已經"look"左咭！都要佢地幫我 void 番！咁我地就走人啦！但係．．．爸B就黑口黑面咁離開．．． *_______________* 佢一路行都唔講野～又唔笑！直至去到“美麗華”～我問佢：「究竟你係咪好想買呀？！」佢話：「咁緊係啦！唔係0係度揀咁耐做咩？！」咁我就話：「咁返番轉頭買0勒！」然後～佢先識得笑番！咁我地就返番去買0勒！ 唉！佢笑番～咁我買貴0的就買貴0的啦！冇乜所謂！佢今日生日嘛！點可以搞到佢唔開心呢？！又見佢淨係著住件短袖衫0係度"絲絲縮縮"～好似覺得好凍咁！點可以俾佢冷親架？！同埋～佢話俊文0的咁0既仆街聽日一定唔肯俾0的分佢用！心諗～又係喎！俊文呢0的死孤寒鬼～唔出奇架喎！好！咁臭串呀嘛？！依家就自己買～都唔用佢0的分囉！吹咩？！KaKa．．． ^﹏﹏﹏﹏﹏﹏﹏^
不過～返番轉頭真係好樣衰．．． -_______________-" 唉！算啦！為左爸B開心～幾樣衰都抵啦！係咪先？！因為我地分開俾錢～所以到最後買兩件褸只係平得１０蚊！算啦！算啦！平到１０蚊好過冇得平架喇！係咪先？！=_________________=
俾晒錢之後～我就即刻幫爸B著左件薄褸上身！因為我怕佢冷親～冇人照顧我同三眼仔呀．．． *_____________*
離開“CHOCOLATE”之後～都差唔多九點嚕！由於四點幾五點0既時候～我地食左 high tea～所以我地都仲未覺得肚餓！咁我地就決定去“GAME ZONE”玩完先食飯！CHER！佢個死佬掛住玩就唔洗食架啦．．． >_______________<" 於是乎～我地就慢慢咁行落去“GAME ZONE”！
大概九點半～我地就落到“GAME ZONE”！爸B俾左廿蚊我去打麻雀！我就用呢廿蚊玩到差唔多十一點九！然後～我走過去跑馬仔0個度搵爸B！等佢玩埋0個兩場之後～我地就離開嚕！
跟住～我地就去左“大家食”食野！當我地食完野坐0係度"攤抖"之際～爸B收到一個 SMS～內容係〝好野！我做到最後一個同你講生日快樂0既人喇！〞一睇呢0的咁0既口吻就知係女啦！爸B話個電話號碼好熟喎！話說佢今年三四月0既時候唔見左部６６８０．．． -_____________-" 好多朋友仔0的電話都冇晒！要人地打黎先有番0的電話！（0係0個個 MOMENT～６６８０係 NOKIA 最新兼且個 SCREEN 係夠晒大0既一部電話！0個陣仲好似賣緊三千幾四千蚊！不過～算啦！依家我地有Ｎ７３喇嘛！咪仲靚仔．．． ^﹏﹏﹏﹏﹏﹏﹏^ 我地Ｎ７３唔經唔覺都好似用左差唔多半年嚕！直至目前為止～我覺得仲好好用！我諗我會用夠兩年先會再換電話架嚕．．． ^_________________^）UM．．．究竟呢個 SMS 係邊條女 send 黎呢？！想知？！打番去咪知囉！於是～爸B就打去啦！哦．．．一聽之下～原來係詩琪！咁爸B就乘機0係度套佢料～睇下佢係咪真係同阿威拍拖！哈！唔認唔認還須認0既！爸B親眼見到佢地拖手仔喎！咁都仲有得唔認咩？！車！一早就睇得出佢地有野啦！我都唔明拍拖又唔係0的唔見得光0既事！洗乜咁神秘丫．．． -_____________-" 不過～唔好理人地啦！人地唔鍾意關我地咩事！
等爸B同佢傾完電話～我地就埋單走人喇！
爸B送到我去屋企樓下～我地就話別LU．．． ^3^
返到屋企～洗左個白白～就返上床覺豬嚕！臨訓再同爸B傾多陣電話啦．．． ^﹏﹏﹏﹏﹏﹏﹏^
＃可能今日咁樣同爸B過生日～好似有0的無聊！但係～生日年年都有！唔通年年都咁精彩咩？！如果年年都咁精彩就唔難忘架喇！ANYWAY～下年我會繼續努力架喇．．． ^__________________^ ＃