網誌
2005年5月18日 上午2點06分11秒15-5-2005 Sunday
＜勁開心的一 DAY！同老母去買"BA BA"！＞
訓到大概十一點半～我就起左身！因為阿媽0係度搞呢搞路嘈醒左我呀！仲好講！又熱喎！咁咪彈起身囉…… 
之後～佢仲落街買菜添！佢話煮粉食嘛！
跟住～我就起左身～0係度搞電腦0勒！
搞搞0下電腦～阿媽就買完菜返黎！咁佢就開始煮粉啦！
當阿媽煮好左之後～我就去洗面嚕！然後～就食粉0勒！
跟住～我同阿媽就出左去喇！我地搭地鐵去左“觀塘”0個個"BA BA"名牌～“Ｔ仔”"BA BA"特賣場睇"BA BA"！揀呀揀！左揀右揀！我終於成功揀左四個0勒！買滿＄３５０仲有八折添！抵到爛！嘩！買左新"BA BA"呀！好開心呢！哈哈…… 
之後～同阿媽上左0個個好多大品牌有倉0個棟大廈睇野！行左一陣～我地就落返黎喇！因為冇乜野睇0既…… 
跟住～諗住打俾家姐～諗住問佢開唔開檯！點知？！佢已經出左街！OH…… >_____________<"
咁見阿媽未行過“APM”～所以我帶左佢去行！原本諗住 HIGH TEA 架嘛！但係～個 FOOD COURT 好乜多人！所以～我地就打銷左呢個念頭！咁咪閃人囉！臨走0既時候～見到有間“榮華”！不如買0的野0係架車度食算啦！所以～我同阿媽入去求其執左0的野食！
然後～我地就離開“APM”！去搭車喇！頂！行成個字！都見唔到有“１Ａ”巴士站0既…… 
行行0下～差唔多行到去巴士站0既時候！0岩0岩見到有架“１Ａ”黎緊！嘩！即刻拿拿聲追囉！咩事呀？！好彩！追到咋！唔係？！都唔知要等幾時先有第二架嚕！YEAH YEAH…… ^________________^
搭搭0下車～老公打俾我！咁我就同佢講我搭緊車返屋企！佢就話我知佢睇緊電視！佢話電視做緊周星馳喎！收左線之後～就同阿媽0係架車度開餐0勒！
去到差唔多“太子”0既時候～老公又打俾我！佢叫我落車～陪佢一齊過“旺角”睇槍喎！仲約左阿奶！本來我都想落0既！但係～屋企都未錄野！我又袋住咁多野！所以～我就決定返左屋企先0勒！
咁阿媽問我食唔食飯啦！咁我就話唔食！所以～得佢自己一個人～咁佢都唔煮啦！佢0係“旺角”落車行街街～食自己！
咁我就0係“油麻地”落車啦！臨落車～發現地下有張十蚊紙！呵！緊係阿媽0係車度執錢0個時跌左啦！嘩！俾我執到好過俾其他人執到喇！係咪先？！哈哈…… ^___________________^
返到屋企～錄左野先！然後煲左枝煙！又"HEA"0下咁！
半個鐘頭之後～我就出左門口！走左過“旺角”“廣華街”搵老公！
去到“廣華街”～打俾老公～睇0下佢0係邊間鉓先！佢話0係“S-3”喎！咁我就過左去搵佢0勒！嘩！阿 CHRIST 今日好鬼誘人呀…… 
＜三野全中呀…… 
＞
之後～我地就搭巴士落左“MARINERS' CLUB”"LOOK LINK"0勒！
唔！一如以往啦！都冇人黎 "LOOK" 0既！又係我地包場！哈哈…… 
嘩喜！阿 CHRIST 都幾勁喎！好彩！我都唔弱0者！我地總共"LOOK"左兩 ROUND！第二 ROUND～我仲贏左佢地三個添！有１０７分！高健健兩分！KAKA…… 
哎呀！唔止呀！兩 ROUND 裡面～我仲有三野係全中0既添！YEAH！好叻叻呀！哈哈…… ^________________^
原來阿奶今次係第一次 "LOOK" 架咋！哎呀！好搞笑！我地三個教佢"LOOK"呀！佢仲要有全中過添！第一次黎講～算好犀利喇喎！
跟住～我地去左附近0既“阿四快餐”食飯！哦！原來阿 CHRIST 都唔係餐餐大魚大肉！好彩0者！唔係！我地就仆街嚕！
食完飯之後～健健話上返“MARINERS' CLUB”望到維港0個間 BAR 飲野！好！咁我地就返番上去喇!
上到去～成間 BAR 都冇人！只係得我地四個！哈！又再一次包場！睇0下我地幾犀利…… ^______________^
不過～係0既！0係0個度飲野都唔平！反而仲貴過出面！緊係冇人黎啦！
我地一人嗌左一杯野！坐坐坐～坐左個幾鐘！差唔多十一點～我地就走喇！
原本同健健諗住行返去0既！點知？！阿奶話四條人～不如齊齊搭的士！
咁所以我地就0係“NATHAN ROAD”截左架 TAXI！搭到去“佐敦”“裕華”就齊齊落車！
跟住～行呀行！行到去阿奶等車0個位～我同健健就同佢地道別0勒！
然後～行到去屋企留下～我又陪老公等車！送左老公上車之後～我又自己死返上屋企嚕！
返到屋企～洗左個白白之後～"HE HE HER HER"過番今晚餅帶黎睇“浪漫滿屋”！因為今晚呢集好緊張呀！我等唔徹喇嘛！所以一定要快0的睇左佢先得！HEHE…… ^________________^
嘩！今集真係好好睇呢！睇到我眼濕濕呀！陰功…… *__________________* 下個禮拜大結局添喇！嘩！快0的到下個禮拜就好喇！好緊張呀…… 
睇完之後～就死上床訓覺 LU…… ^_________________^