網誌
2009年9月23日 上午9點40分05秒9 月 19 日 轉口味，誡做奶黃冰皮月餅.
今日返到屋企即刻要整奶黃冰皮月餅，首先係先做冰皮皮，可能係第一次自己調較關係喇，做完出黎個皮有好多好多粉粒，睇落去真係激鬼死人喇，於是我愈睇愈唔順眼，所以我決定從頭整過，因為我要做到完美 d。做完粉皮後，跟住我就開始做奶黃餡料，呢個步驟冇乜阻滯都頗算順利，我仲試過 d 奶黃非常好味。
呢個就係第一次開粉皮喇，係咪好多粉粒呢？
今次係咪整得似模似樣呢？
個皮真係好薄，仲薄過出面賣 d
做到最後還剩下些少奶黃餡料，因此我阿媽便叫我索性將 d 餡料整埋奶黃飽，佢話唔好晒喎，最後我只能倣到個皮好硬，而個餡就好好味喎，我今次又失敗喇，於是我事後上網查番資料，原來酵母粉要用28至 30度溫水開先得，但我就唔識用滾水開粉，所以舊粉發酵唔到。唔… 下次我識點做 lu。
蒸飽前
好核突呀！個奶黃飽