網誌
2009年9月12日 上午9點11分43秒9 月 12 日 整 d 冇大班咁好食冰...
今日淨係吸模都吸兩個鐘左右，整個出黎都幾似一個冰皮月餅，但係 d 味道就唔似大班冰皮月餅咁好味囉，點解要同大班作比較，因為全港冰皮月餅，我只係食佢隻綠豆味咋，仲唔要有鹹蛋黃隻，其中佢隻芝麻味都食下咁喇，而其他舖頭冰皮，我食黎食去都係唔鍾意食，係咪好奇怪呢？
左邊是緣豆味，而右邊則芝麻味冰皮
因為雪得未夠時間，我以急不及待咁出黎影相，所以個邊切到走少少樣囉
我整綠豆冰皮同芝麻冰皮月餅，個賣相其實都算唔錯，但食落去果 d皮就比較身。我全家人都覺得芝麻味係好食過綠豆味，因為芝麻味道比較香d 。哈…好餵食呀！我阿媽已經食 6 至 7 個月餅喇，而我阿爸都唔弱起碼食 3 至 4 個左右。我想佢真係覺得好好食架，如果唔係話，我阿媽都唔會叫我下次再整冰皮月餅時候，要自己落粉整個冰皮，再唔好用d 預拌冰皮粉囉喎，仲有她叫我係中秋節之前，最好就整多次冰皮月餅喎，咁我希望下次能夠整到好似大班冰皮月餅咁好食就好喇，加油！努力！