網誌
2009年9月11日 下午4點58分52秒9 月 11 日 預先整好晒 d 冰皮月餅材...
琴日我買錯個大 Size月餅模，所以我今日特登再去上海街買番個迷你月餅模，然後我再去買埋其他整冰皮月餅材料，至於今次我決定係整綠豆蓉同芝麻餡味兩種月餅，其實我上網睇過 d 資料，佢話 d 冰皮月餅好鬼易整喎，所以我咪學人試下整囉，我睇到有很多舖頭己經有預先調校好冰皮粉，而且仲有好多隻冰皮餡料買架，好似有芝麻、奶黃味等各式其式，不過我自己本身就唔想用街上可以買到餡料黎做月餅，因為我覺得佢會好甜架，我唔鍾意食得太甜，所以我決定自己親手整呢兩隻味道餡。另外我睇過人心得，佢話將所有材料最好係前一晚整定會比較好 d 喎，於是我就索性今晚整好晒d 冰皮同餡料。因為今次係第一次整關係，我唔想一次過買咁多種粉，所以我就懶 d 先買呢隻冰皮粉黎整咋，首先我整個冰皮先，我粉係賣蛋糕材料舖頭買的，買d 冰皮粉來做咋，至於d 餡料方面，我就真係自己落手落腳去整，最後仲整到夜晚十一點幾先至做完，真係做到手仔軟呀！
呢個就係用冰皮粉開冰皮喇
呢個係綠豆蓉
而呢 pat 屎就係芝麻味綠豆蓉嚕
咁樣都好，聽日只係將兩樣野搓埋一齊，跟住倒模就得喇。哈…好緊張呀，唔知個製成品整出黎會好唔好食呢？…下回自有分曉。