網誌
2005年7月14日 上午8點30分00秒
7月14日 紊亂...
呢兩隻字, 倪匡好鐘意用... 今日我正正就係咁...
每逢到星期四, 我都要度下個星期的藝員期同埋Book定下星期要出的Crew, 車, Audio Booth, 廠, 等等...
今個星期亦都唔例外, 不過, 響意料不到的情況底下, 今日加的拍攝行程, 竟然搵唔到藝員...
而出去crew拍攝個期, 同埋錄V.O.個期又撞到彭彭聲...
與此同時, 監製竟然又俾會計部問Budget...
我地就要一邊不斷咁查record, 一邊打電話度藝員期, 一邊組織返個不斷改變緊既期表砌返工時間...
於是, 就響呢個情況底下, 六點黎到, office時間完左, 所有booking明天請早...
放工, 去搵陳醫生飛, 巧遇寫稿同事Ren, 順路行過去meet魏小姐,
佢地兩個都不約而同地同我講左句: ok喎~
我回應亦都係同一句: 哦~
之後, 就真係ok, 換左個飛, 再響朗豪坊食左大大兜既香辣屋菠蘿炒飯, 同埋韓國唔知咩野醬爆牛肉飯, 個炒飯, 46蚊, 但係係60蚊既份量... 而家諗起都覺得不可思義...
之後... 好早返左屋企... 發左陣呆... 醒起... 之前剪個片今日出街... 差小小自己都睇唔返...